السلام عليكم ورحمة الله وبركاته، أهلاً وسهلاً ومرحبًا بالجميع، حيَّ الله طلاب أكاديمية الجيل الصاعد.
اليوم عندنا بث مهم جدًا جدًا، موضوعنا في غاية الأهمية، وممكن يكون من أهم الموضوعات اللي نأخذها اليوم. اللي نأخذها في المستوى هذا كله، بل ممكن يكون من أهم الموضوعات اللي نأخذها في الأكاديمية أصلًا بشكل عام.
فـ
ركزوا على الموضوع كويس، امسكوا أقلامكم ودفاتركم و
تابعوا معايا كويس، بإذن الله تعالى ما راح تندموا على متابعتكم، بس حاولوا يعني إيش؟ تجمعوا معايا كذا لمكّة نصف ساعة، 35 دقيقة، 40 بالكثير، وإن شاء الله أكمل الموضوع، طيب.
إحنا أخذنا سابقًا أنه إيش هي مشكلة التفاهة، وإيش أسبابها، وبعدين قلت لكم إني سأتكلم عن كيف نخرج من مشكلة التفاهة. هو هذا موضوعنا اليوم، لكن موضوعنا أكبر من مشكلة التفاهة بكثير، وموضوعنا اليوم كيف الواحد يخرج من مشكلة التفاهة، ومن مشكلة الدون، من مشكلة الدنيوية، من مشكلة ضعف الإيمان، من مشكلة عدم وجود الأهداف، كيف يتسامى الإنسان؟ كيف يكون عظيمًا؟
كيف يكون صاحب هدف في الحياة؟ كيف يرضي الله سبحانه وتعالى؟ كيف يحقق الثمرات من حياته؟ هذه هي الأسئلة اللي راح أجاوب عنها اليوم بإذن الله تعالى في موضوع واحد، وما راح أطول عليكم، سأذكر لكم مقدمة سريعة، وبعدين أذكر لكم خمسة أسباب، هذه الخمسة أسباب أبغاكم تحفظوها حفظًا تامًا، وفي نفس الوقت تحت كل سبب راح أذكر لكم بعض النقاط المتعلقة بهذه الأسباب وأيضًا أباكم تحفظوها، تمام؟ اتفقنا؟
مستعدين؟
مستعدين يا جماعة؟ نتوكل على الله؟
يلا انطلقنا باسم الله، انطلقنا.
أول شيء قلت لكم أنا عندي مقدمة سريعة، وبعدين راح نأخذ الـ راح نأخذ الأسباب الخمسة. المقدمة السريعة هي: أنه لما إحنا ننظر لمشكلة التفاهة أو مشكلة ضعف الإيمان أو مشكلة عدم وجود الأهداف، ونبغى نحاول نحلها، نوجد حل لهذه المشكلة، هناك وسائل كثيرة للحل، أو هناك مجالات كثيرة للحل.
في حل متعلق بنا نحن بنا، متعلق بنفوسنا، بهمتنا، بإرادتنا، وفي حل متعلق بالناس اللي تصدِّر التفاهة كيف أنه إحنا نقاوم المد التفاهة الموجود في الخارج، وفي حل آخر متعلق باللي يقاوموا التفاهة، المصلحين كيف يكون خطابهم أفضل، لكن إحنا ما راح نتكلم عن المصدِّرين للتفاهة ولا عن المقاومين للتفاهة، راح نتكلم عن أنفسنا، فالحلول الخمسة اللي راح أتكلم عنها اليوم واللي هي متماسكة ببعض، ومرتبطة ببعض، هذه الحلول مرتبطة بنا نحن؛
لكي نكون إن شاء الله عظماء، لكي نخرج من مشكلة التفاهة، لكي نتجاوز إشكالية الدون، جيد؟ هذا الـ هذه المقدمة.
إيش هي الأسباب الخمسة التي إذا وجدت فينا سنتجاوز مشكلة التفاهة؟ إذا وجدت فينا سنكون إن شاء الله أصحاب أهداف كبيرة في الحياة، سنحقق أشياء كبيرة في الحياة بإذن الله، ما هي هذه الأسباب الخمسة؟ باسم الله نبدأ، اللي ما معاه دفتر أو قلم، يـ رجاءً يجيب الدفتر والقلم ويكتب



