Search this lecture

خالد بن الوليد في عام 12 للهجرة خاض كل المعارك اللي نحن تكلمنا عنها في اللقاء السابق. وكان عام 12 للهجرة بعد وفاة النبي صلى الله عليه وسلم بكم؟

سنة واحدة، جيد؟ لما تنظر إيش اللي صار خلال عام 12 تقول: يا ربي مو معقول هذا اللي صار، كل الأحداث هذي صارت كلها في عام 12 للهجرة؟

طيب متى متى استطاع المسلمون يرتبون أنفسهم و يعني يستعيدوا أنفاسهم؟ هذه قوة الإسلام لما تكون في أعلى درجاتها. اللي صار يا حبايب بعد معركة ذات العيون اللي صار إنه خالد بن الوليد نزل إلى منطقة تسمى عين التمر.

منطقة تسمى عين التمر. هذه المنطقة تعتبر جنوب الأنبار. جنوب الأنبار، حلو؟ هذه المنطقة فيها عرب موالين للفرس، وفيها؟ فرس لا فرس هم السادة، العرب اللي هناك كانوا تابعين للفرس.

في قائد للـ للفرس وقائد للـ للعرب قائد للفرس وقائد للعرب الكفار الموالين لـ للفرس للفرس. هذا قائد العرب اسمه عقة ابن أبي عقة. تمام؟ عقة ابن أبي عقة.

كان يقول لقائد الفرس يقول له: يا أبو الشباب خلي خالد بن الوليد هو جاي علينا الآن، خليه علينا إحنا العرب، إحنا العرب نعرف بعض.

إحنا العرب نعرف بعض، فما يحتاج أنت تجيء بجنودك الفرس، إحنا نخارج أنفسنا مع بعض وخالد بن الوليد خليه عليّ. فقائد الفرس قال له: تمام ماشي.

لما رجع لقومه قالوا له: أنت إيش بك غبي؟ ليش تسمح للعربي هذا إنه هو يتفرد فقط بخالد بن الوليد، خالد بن الوليد راح يهزمه؟

فقال الفارسي هذا قال: إيش المشكلة؟ خليه ينهزم، إذا انهزم القائد العربي الموالي لنا، راح يكون جيش المسلمين إيش؟

تعب تعب من الجراح والضرب والضريب، إحنا نجيء في ذاك الوقت وإيش نعمل؟ نهجم عليهم أيوة، وجاءك جيش العرب بقيادة عقة ووقفوا خـ وصل خالد بن الوليد ووقفوا أمام بعض.

يبغى يبغى يهزم خالد بن الوليد لحاله. طيب، شوفوا إيش سوى فيه خالد بن الوليد. اا صار هذا عقة يرتب الجيش ماشي كذا يرتب الجيش، أنت وقف هنا، أنت وقف هنا.

اللي في الجيش الثاني خالد بن الوليد أبو سليمان

يرقب الوضع كذا زي شفتوا الصقر كيف لما يطير من فوق ويشوف الـ يشوف المنطقة كلها وبعدين يشوف الفريسة؟ جلس خالد بن الوليد خالد بن الوليد أبو سليمان يرقب يرقب ينتبه، إلين ما عرف إنه هذا القائد اللي هو عقة منسجم جدًا في ترتيب جيشه، مو منتبه.

وينطلق عليه خالد بن الوليد زي الصقر ويقفز فوقه ويحتضنه ويطربقه على الأرض، ويجيك ساحبه يا حبيبي حي أسر وهو حي. جابه إلين جيش المسلمين.

بكل سرعة وبساطة وانقضاضة، هذاك لسه ما استوعب القضية يعني هو دحين جالس يرتب الجيش ما يدري إلا اللي جايه وقافز عليه وحاضنه، ومكتفه وجالس يسحب.

يعني هو ما هو مندمج في جنوده، هو يشرف ويرتب من هنا كذا، المهم قدر يقتصره خالد بن الوليد رضي الله تعالى عنه. لما سوى فيه كذا خالد بن الوليد، جيشه إيش سوى؟

هرب الجيش هرب هرب. الآن على أساس إنه اا يعني على أساس إنه جيش النصارى ينتظر الجيش التعبان حق المسلمين اللي بعد القتال، المهم جاء

المسلمين بسرعة على المكان اللي فيه الحصن اللي فيه النصارى، وحاصروهم

اللي فيه الفرس عفوًا. وحاصروهم وفتحوا الحصن وفي أثناء الحصن أو في داخل الحصن وجدوا غرفة، هذه الغرفة كان فيها طلاب علم يحفظوا الإنجيل، طلاب علم نصارى.

فاقتحم خالد بن الوليد هذه الغرفة وأخذهم أسرى ونقلهم جهة المسلمين هناك، وسبحان الله يعني صاروا صاروا هؤلاء عبيد للمسلمين. وهذول صار منهم أناس قادة للمسلمين، يعني من صاروا هم آباء لأناس قادة وكبار من المسلمين، وهذا سبحان الله كان من بركات الفتوح الإسلامية، إنه هذول ناس مساكين يعني في اعتقاد خاطئ وفي ضلال مبين، فالمسلمين يأخذوهم ويوفرون لهم بيئة أفضل، يتعلموا فيها الإسلام يتعلموا فيها دين الله سبحانه وتعالى. تعرفوا مين منهم من هؤلاء؟

منهم واحد اسمه نصير، والد والد موسى بن نصير. ما تعرفوا موسى بن نصير؟ مين مـ مين ما يعرف موسى بن نصير؟ طب مين يعرف موسى بن نصير؟ أربعة؟

حان خمسة؟ أكيد؟ ترى اللي هيرفع حسأله. أكيد؟ أكيد يا أنس؟ إذا مو متأكد نزل. لا هو واحد هو، ما في تتذكر منه شوية، مين هو موسى بن نصير؟

يا تعرفوه يا ما تعرفوه، مين يعرفه؟ طيب، ها يا معاذ؟ فاتح الأندلس مع طارق بن زياد، يعني هو هو هو اللي كان قائد الجيوش الإسلامية في المغرب، الـ هو اللي أرسل طارق بن زياد.

وبعدين لما عبر طارق بن زياد وفتح مجموعة راح معاه موسى بن نصير وصاروا جيشين في الأندلس هم الإثنين فتحوا الأندلس. هذا نصير أبو موسى بن نصير واحد من اللي مسكوهم في القلعة هنا.

تمام؟ وكمان في سيرين أبو محمد بن سيرين، معروف إمام من أئمة المسلمين الـ الكبار. وفيهم واحد اسمه حمران، هذا حمران صار من أحد الرواة وخدام عثمان بن عفان الخليفة الإمام الراشد رضي الله تعالى عنه. المهم اا بعد كذا اا صار في

قائد من قواد المسلمين اللي أرسله أبو بكر إلى العراق أيضًا، اسمه عياض بن غنم. هذا عياض كان في منطقة اسمها دومة الجندل، وصار محتاج إنه هو اا يكون أحد يمده بمدد فبسرعة خالد بن الوليد اتجه إلى اا إلى فين؟ إلى العراق. إلى دومة الجندل، هو أصلًا في العراق بالعكس هي جنوب العراق، تعتبر الآن في شمال في شمال الـ الجزيرة العربية.

يعني تعتبر الآن في شمال السعودية. فـ نزل خالد بن الوليد، طبعًا هي المنطقة ذيك هذي كلها أصلًا تعتبر منطقة تعتبر يعني سابقًا في الـ العراق، جنوب العراق، فنزل خالد بن الوليد بسرعة إلى دومة الجندل ولقي عياض بن غنم محاصر الحصن و اا دخل خالد بن الوليد في المعركة واقتلع الباب حق الحصن ودخلوا وقتلوا الجنود وانتصروا في تلك المعركة.

بعدين اا الـ الـ الفرس توجهوا إلى الأنبار، الأنبار مين فيها؟ العرب الأنبار فيها الجيش حق خالد بن الوليد اللي هو تركهم هناك، اللي هم يعني بتعرفوا خالد بن الوليد إيش فتح هناك مدن؟

الأنبار وقبل الأنبار إيش فتح؟ تتذكروا بلدة كبيرة جدًا قلنا فتحها أول شيء؟ حتى يمكن ما أخذناها في الدرس الماضي اللي قبله أو في أول الدرس الماضي. لا، في منطقة اسمها الحيرة الحيرة تذكروا؟

إيوه، الحيرة هناك كان في قائد لخالد بن الوليد تركه هناك فالروم أو عفوًا الفرس والأعاجم هذول توجهوا إلى تلك المنطقة. اا بعدين طبعًا كان فيها القعقاع بن عمرو، القعقاع أرسل أحد الجنود أنه هو يواجه هذول ال ال ال اللي جوا يغزوا، وبعدين القعقاع بنفسه شارك، بعدين خالد بن الوليد لحقهم، فصارت معركة كبيرة بين الغزاة ال الفرس اللي جوا يهاجموا المسلمين في البلاد اللي فتحوها، وبين خالد بن الوليد والقعقاع بن عمرو والجند اللي أرسلوا، وانتصر المسلمون أيضًا في ذلك انتصارًا كبيرًا. بعدين ولا زلنا إلى الآن في عام 12 للهجرة.

إلى الآن لسه نحن في عام 12 متخيلين قدر الأحداث؟ وهذه الفتوحات كلها كلها عام 12 للهجرة. طيب

بعدين خالد بن الوليد رضي الله عنه توجه معليش، توجه إلى منطقة اسمها الفِراض، هذه المنطقة تعتبر قريبة من بلاد الروم، الآن كل المعارك الماضية مع مين؟ مع الفرس ولا الروم؟

الفرس، طيب الروم إيش هم الروم؟

في بلاد الشام إمبراطورية ضخمة وكبيرة جدًا جدًا إلى الآن إلى الآن يعتبر المسلمون ما تشابكوا معها اشتباك قوي. متى صار الاشتباك معهم في وقت الرسول صلى الله عليه وسلم؟ في مؤتة، في مؤتة تتذكروا معركة مؤتة؟ أخذناها كاملة، لما قُتل جعفر وبعدين زيد بن حارثة زيد، بعدين جعفر، بعدين عبد الله بن رواحة إيوه تتذكروا جيش جيش الروم في تلك المرحلة كان قوي جدًا وكبير؟

إيوه الروم عندهم أعداد هائلة جدًا. هنا خالد بن الوليد راح إلى منطقة الفراض، الفراض فين صايرة؟ صايرة على حدود الفرس والروم، يعني صايرة قريبة من الشام، وقريبة من مو قريبة يعني قريبة من دمشق مسافة، بس أقصد على حدود مملكة؟

الروم، بس إنه مثلًا دمشق أو الشام تعتبر بعيدة شوية، فهو على حدود العراق في نفس الوقت على حدود مملكة ال- مملكة الروم. الروم هنا قالوا إيش؟ إن شاء الله خير، خير إن شاء الله، خير خير جاينا خالد.

خير إن شاء الله، ويجمعوا له يا حبيبي جيش كبير جدًا جدًا جدًا، لأن هو اللي قُتل من جيش الروم في المعركة دي قريب 100,000، وعليك الحساب.

فجاء هذا الجيش والتقى

فيهم خالد بن الوليد في معركة كبيرة جدًا معركة الفِراض وهزمهم أيضًا. فِراض بالضاد، طيب في هذه الأثناء في هذه الأثناء في بداية العام الثالث عشر للهجرة الثالث عشر بدأ الخليفة، مين يا عمر؟

مين يا عمر الخليفة مين؟

هم؟

خليفة مين؟

خليفة مين؟ مين عمر؟ عمر بن الخطاب أشهد لسه إحنا جبنا وصلنا لعمر بن الخطاب؟ لسه ما وصلنا إحنا لسه مع الصديق. لسه في بداية عام الثالث الثالث عشر قرر الخليفة أبو بكر الصديق إنه يبدأ بفتح الشام، هو بدأ بفتح إيش؟

بدأ بفتح العراق بعد ما أنجز إيش؟ بعد ما أنجز حروب الردة بعد ما أنجز حروب الردة صح؟ أنجز حروب الردة وبعدين أرسل خالد بن الوليد والمثنى بن الحارثة إلى وعياض بن غنم إلى العراق.

يا جماعة أنتم معانا ولا مع الأسف؟

العراق مع الفرس طبعًا.

مع الروم إيوه، مين اللي كان أقوى وأشد بأسًا، الفرس ولا الروم؟ فرس الفرس. الفرس كانوا أقوى وأشد وكان يعني شوية العرب يخافوهم. المهم في تلك المرحلة في بداية العام الثالث عشر الهجري قرر الخليفة أبو بكر الصديق رضي الله تعالى عنه إنه يبدأ بفتح الشام، وبدأ يخاطب الأمراء من الصحابة اللي غير مع خالد اللي هناك في العراق، بدأ يكلم مجموعة من الصحابة اللي في المدينة وحول المدينة اللي بيرسلهم هنا وهنا، إنه يا جماعة سنتوجه إلى فتح الشام.

فتجهزوا، الشام كلمة إيش تشمل؟

الأردن وسوريا وفلسطين ولبنان كلها بلاد الشام.

لسه يا جماعة لسه، الرسول صلى الله عليه وسلم ما كمل سنتين، بأبي هو وأمي توفي والعرب هذول المساكين اللي خارجين من الصحراء هددوا إمبراطورية فارس ودحين جالس بيبدأوا يهددوا إمبراطورية الروم.

كيف يعني؟ كيف؟ وبدأ يا حبيبي أبو بكر الصديق يجهز الجيوش، تعال يا عمرو بن العاص، عقد له لواء أرسل معه مجموعة

على أساس يفتح فلسطين، وتعال يا أمين هذه الأمة، أبو عبيدة عامر بن الجراح ويعقد له لواء، لواء يعني راية حقة الجيش، ويرسل معه مجموعة، ويلا يا أبو عبيدة كلهم على جهة بلاد الشام. تعال يا شرحبيل بن حسنة، تعال ابن حسنة، تعال يا يزيد بن أبي سفيان وليس يزيد بن معاوية يزيد بن أبي سفيان أخو معاوية، أخوه وليس ابنه، في يزيد بن معاوية هذا مو صحابي، يزيد بن معاوية هذا مو صحابي وأيضًا كانت له أف- أفعال غير جيدة يزيد بن معاوية، أما يزيد بن أبي سفيان فهو من فضلاء الصحابة ومن أبطال المسلمين.

أخو معاوية، يعني عم يزيد. أرسل يزيد بن أبي سفيان، وأكبر جيش أرسله للشام كان مع يزيد بن أبي سفيان، تمام يا جعفر؟ تمام؟ أكبر جيش كان مع مين؟

كان مع مين أكبر جيش يا جعفر؟

طيب الجيش اللي قبله كان مع مين؟

هاه يا أنس صلاح؟ إيش أسماء قادة الجيوش اللي أرسلهم؟ طيب إيش اسم- أسماء القادة اللي أرسلهم؟ هاه؟ عمرو

عمرو بن العاص ويزيد بن أبي سفيان وشرحبيل وأبو عبيدة، تمام. طيب لما أرسلهم كل هذول مع بعض، كل جيوشهم الأربعة هذي على بعض تتوقعوا كم 100,000؟

هاه؟

واحدة 100,000، لا كل الجيوش الأربعة على بعض 21,000. 21,000 بس، تمام؟ يعني جيش من أبو 8,000، تس- 6,000، مم- مجموع. وأرسل بعدهم واحد من أكبر وأعظم فرسان المسلمين، يذكرنا يذكرنا بخالد، فروسيته تذكر بخالد، مين يقدر يعرفه؟

لا كذا هو أكثر واحد يذكر بخالد، أكثر واحد. في الفروسية يعني هو ما عمر- يعني ما عمرك تسمعه يقاتل إلا هو ويكون قائد الخيول، لا.

لا، سعد ما يذكر بخالد، سعد له قيادته وله اا ي- يعني له نمط آخر، أنا ما أتكلم مين أفضل. حتى القعقاع ما يذكر بخالد، كذا في واحد من نمط من نمط خالد.

عِـ عكرمة، عكرمة بن أبي جهل، أبو جهل ذاك الطاغوت الكبير المجرم اللي فعل وفعل وفعل ابنه مو مسلم بس، قائد قائد من قواد المسلمين، تتذكروا لما ملك الجبال جاء للرسول صلى الله عليه وسلم وقال: «إن شئت أن أطبق عليهم الأخشبين»؟ لا تذكروا؟ فقال النبي صلى الله عليه وسلم: «لا، إني أرجو أن يخرج الله من أصلابهم» يعني من ذريتهم «من يعبد الله لا يشرك به شيئًا»، مين خرج من ذرية أبو جهل؟

عكرمة، أبو بكر الصديق جعل عكرمة خلف الجيوش، هذه الجيوش الأربعة كل واحد في مكان تمام؟ عكرمة معه 6,000 ها، هذول يسمون ردء، ردء مين يعرف معنى ردء؟

يعني يعني درع درع شيء إيوه يعني إسناد؟ زي ال- زي الإسناد، إسناد تمام ردء مين يعرف آية آية في القرآن؟ 21,000؟ آية في القرآن أرسله معي؟

أرسله معي ردءا، ردءا يصدقني، ردءا يعني يؤاز- ردء، مساعد، مساند. فيا محمد، كان عكرمة بن أبي جهل ورى في الجيش، اا

ي- إسناد لهذول الجيوش المتفرقة. يا شيخ 6,000

ز- مع ال- 21,000 ولا؟ إي 6,000 غير ال- 21,000. يعني كله 27,000. إيوا، المهم، هنا الروم قالوا: شوف، ما نبغى زي وقعة الفراض، ولا زي أي شيء ثاني، إحنا نبغى نسوي شيء كذا من جد قالوا، يعني معنى الكلام اللي قالوه: نبغى نعمل شيء نخلي المسلمين ما يفكروا أصلًا تفكير بعد كذا إنهم، يجونا.

يجونا. ويرسلوا لك الجيوش يا حبيبي. الجيش اللي أرسلوه أمام عمرو بن العاص لحاله، عمرو بن العاص معاه شوية من الـ 21 90,000 تمام؟ اللي أمام يزيد 50,000، اللي أمام أبو عبيدة 60,000 المهم، ما شاء الله، المهم وصل مجموع جيش الروم، قيل ما بين 120 إلى 200,000، يعني قيل 120 قيل 200,000 200,000 ذحين لو تبي تصورها في الواقع اللي ذحين، تقول إيش اللي يجمعهم 200,000 ذول؟ 200,000

المسلمين أرسلوا إلى أبو بكر الصديق: يا خليفة رسول الله، ترى الوضع ما يطمن بصراحة يعني، صح إحنا أبطال وقادة المسلمين وعمرو بن العاص وأبو عبيدة، لكن في الموازين العسكرية المادية بصراحة الوضع لا يطمئن أبدًا.

فااا خذ أبو بكر الصديق رد عليهم إنه استعينوا بالله وتوكلوا على الله ومدري إيش، وبعدين قال: والله والله لأذهبن وساوس الشياطين عن الروم بخالد بن الوليد.

والله لأذهبن وساوس الشياطين عن الروم ب خالد بن الوليد. خالد بن الوليد، ويرسل رسالة أبو سليمان خذ نصف جيش العراق، واتجه إلى الشام بسرعة.

نصف الجيش، واتجه إلى الشام سريعًا جدًا، المسلمين بحاجتك. وتجيء الرسالة لأبو سليمان خالد بن الوليد، وخالد بن الوليد يقسم الجيش نصفين وياخذ معه 9,500.

ويخلي الجيش الثاني الباقي في العراق بقيادة بقيادة القعقاع؟ المثنى المثنى المثنى قيادته أكبر من القعقاع. المثنى بن حارثة. ترك المثنى بن حارثة في العراق وبدأ، أو والآن يبي يفكر كيف ممكن يصل بأسرع طريق إلى الشام. الشام. كيف يصل بأسرع طريق؟ لو يبغى يمشي بالطريق المعتاد اللي يسيروا معاه الناس راح يتأخر على المسلمين

اللي هم أصلًا الآن في حرب. فقرر إنه يمشي في طريق ما عمره مشي فيها أحد. بيقطع الصحراء قطوع، طبعًا إنت الآن تقول يعني لو معي سيارة جيب وفيها بنزين احتياطي ودبل ودفع رباعي ومدري إيش يمكن أمشي، هناك يا حبيبي، الوضع مو كذا.

هناك إنت ممكن تجيء لصحراء ما فيها مصدر مياه أبدًا، وبالتالي ممكن إنت وجيشك ماشي إنت لحالك تجيب معاك كم يعني كتل من المياه، تج- تجرها بعربية أصلًا كيف حتى حت- تورد في الصحراء، لكن لما تتكلم عن 9,500 إيش تشربهم؟ 9,500 إيش تشربهم موية؟ إذا ما في مصدر للمياه كيف ممكن يشربوا؟ فشيء صعب جدًا جدًا إنك إنت تخترق الصحراء بهذه الطريقة. ولكن فعلها خالد بن الوليد، وتوجه، واجه الصحراء، بـ 9,500، ومشوا ومشوا ومشوا ومشوا، إلين ما وصلوا، إلى،

نفاد المياه التي معهم.

وقلب الصحراء، ما في أمل ولا كان في بصيص ضوء إنهم يتجاوزوا هذا ال- هذه النقطة الحرجة.

فكر خالد بن الوليد، قال: ما في إلا إنه إحنا الموية يعني هذه اللي، هذه قبل ما تخلص إنه الموية القليلة اللي معانا، نشربها ال- ال- الإبل، وهي أصلًا تعرفوا عندها موية، مخزنتها، وكمان تحط فوق موية، و- و- وعمل طريقة معينة فيها بحيث إنه هي م- ما تخرج هذا الماء.

ومشاها مجموع- يعني فترة، ولما وصلوا لمنطقة معينة خلاص، نحروها. نحروا الإبل، واستخرجوا الماء اللي فيها وشربوه. أوه. اه عرفتها، بس بالجمل كمان بتصير. إي. بس كانت فكرة خالد بن الوليد ولا؟ غالبًا فكرة خالد بن الوليد، المهم، لأنه هي تخزن المياه ما ت- ما ما يختلط يعني. ما شربوا لبنها يا شيخ؟

المهم، هذا كان من وسيلة من وسائل الصبر اللي هما قدروا يتحملوا فيها إلين ما وصل خالد بن الوليد إلى الشام، بعدين

راح نكمل لكم إن شاء الله في الدرس الجاي إنه لما وصل خالد بن الوليد في الشام إيش صار؟ لأنه صار عدة معارك. نرجع الآن لفين؟

للعراق. نرجع الآن لل- للعراق، نرجع للعراق. للعراق، الفرس متابعين الوضع. قالوا: خالد بن الوليد هذا البلاء المسلط علينا راح. وراح أخذ معه نص الجيش، ما بقي إلا؟

نص الجيش. بس الحمد لله إنه في تلك الفترة كان بينهم هم إيش؟ صلح. خلافات، هم ال- الفرس كان بينهم خلافات. وا- واحد قتل أميرهم، وبعدين هم تقاتلوا وحطوا واحد اا مدري إيش، وتقاتلوا سووا مشاكل بينهم، والحريم دخلوا فيها وهذه تبغى ولدها مدري ص- صاحبها مدري اللي تعرفوا، ودخلوا في مشاكل فيما بينهم، تمام؟

في تلك المرحلة، كأنه أبو بكر الصديق كان كل شغله وتركيزه فين؟ العراق، الشام. على الشام. فالمثنى أرسل له كأنه ما صار في رد سريع أو شيء، انطلق المثنى بسرعة إلى وين؟ إلى الشام. إلى المدينة، إلى أبو بكر الصديق، إلى أبو بكر الصديق على أساس إنه يتدارك الوضع لأنه 9,500 اللي بقوا، في العراق ما يكفوا، والفرس صح إنهم منشغلين الآن بس ترى إذا جونا الوضع مشكل.

لما وصل إلى المدينة وجد إنه أب- أبا بكر الصديق مريض مرض الموت. هذا كان في عام 13 للهجرة. وكلمه المثنى قبل ما يموت. فأبو بكر الصديق وصى عمر، قال له:

إذا مت أنا الآن في النهار، ما يجيء الليل، إلا قيدك مجهز جيش للمثنى.

وإذا أنا مت في الليل ما يجيء الصباح إلا إنك قيدك مجهز، جيش للمثنى. هذا اسمه منطق، لما يكون في منطق عمل، مو منطق رخاوة و- ودلع.

إيش اللي حصل؟ توفى أبو بكر بعد ما توفي، العظيم، صاحب رسول الله، اللي الله سبحانه وتعالى ذكره في القرآن إنه صاحب رسول الله، «إِذْ يَقُولُ لِصَاحِبِهِ» لا تحزن، ثاني اثنين إذ هما في الغار في الغار، هذا أبو بكر الصديق اللي اللي نتعب نتكلم عنه توفي رضي الله تعالى عنه ولكن المفاجأة إنه لما عمر بن الخطاب تولى رضي الله تعالى عنه وبدأ يقول للناس: "يلا يا جماعة، مين منكم ينتدب -يعني يتطوع- إنه هو يروح فين؟"

العراق، عند المثنى، مع المثنى، يمشي الحين المثنى في المدينة، يمشي معاه يروح العراق، كم تتوقعوا خرج؟

ولا واحد. ولا واحد.

ليش؟ ولا واحد.

ليش؟ خايفين. الجيش أغلبه راح الشام وفي جيش في العراق، والبقية كانه متخوفين. متخوفين من الفرس هدول، الفرس كانوا مفزعين يعني. فا كلمهم اليوم الأول، حاولوا، طبعًا هو مو ما في جيش نظامي يعني عنده راتب معين هذا رتبته جندي، وهذا رقيب، وهذا عميد، ولواء هم مجاهدين في سبيل الله، يعني ي ي ينتدبهم، ويلا اللي يروح، بسم الله.

المهم، جلسوا عدة أيام يحمس فيهم، والمثنى يتكلم، ومادري إيش، إلى أن ابتدر ثلاثة من المسلمين، وبعدها انطلقت ثلاثة؟ ثلاثة أول شيء، هم اللي قالوا: "أنا لها أنا لها أنا لها"، في المسجد، وبعدين تحمسوا الناس،

وخرج مع المثنى عدد نسيت كم بالضبط، لكنه خرج معاه جيش، وتوجهوا للعراق. لما توجهوا للعراق صارت معركة مباشرة مع الفرس. هذه المعركة هذه المعركة، كاد أن كاد أن يعني يحصل هزيمة في المسلمين أو مشكلة كبيرة في المسلمين، بسبب كائن من الكائنات الحية اللي يجيبوها الفرس في المعارك. الفيل، الفيل، الفيل. الفيل. المهم يا حبيبي، وبيجيك المثنى، وبيجيك المثنى ويصكلك إياه صكة.

يعني، هو طبعًا قطع، قطع خرطومه، المهم قتل الفيل هذا، ولما قتل الفيل فعلًا يعني كان مؤثر على على على ميزان القوة، وانهزم الفرس. المهم، أبو عبيد، هذا واحد من اللي خرجوا من المدينة، وأمره عمر على الجيش.

هذا أبو عبيد جاء هو والمسلمين وتوجهوا إلى منطقة، هذه نختم فيها، توجهوا إلى منطقة كانت هذه المنطقة حشد فيها الفرس أعداد كبيرة جدًا مع قائد جديد، وجو بروح جديدة، ولأول مرة يخرجوا راية، راية كسرى.

راية مملكة الفرس، هنا وصلوا إلى الفوق يعني، هذه الراية، راية كبيرة وضخمة جدًا جدًا، حتى أحيانًا تقرأ، تقرأ تقديراتها في كتب التاريخ تقول: "لا، مبالغة يعني، مو معقول إنه راية بهذا الحجم". يعني، يذكر إنها راية ضخمة، ضخمة جدًا، وكانوا هم يعتقدوا في هذه الراية أشياء، واجتمع جيش، أظن 80 إلى 90 ألف من الفرس مع قائد جديد، وجو بروح، يعني، ناوين ناوين الشر.

كان جيش أبو عبيد هذا، عند النهر، وجيش الفرس وراء النهر، صار بينهم إيش؟ النهر. قالوا: "إما أن تعبروا إلينا، وإما نعبر نعبر إليكم". نعبر، تعبر، تعبر، نعبر.

عبروا المسلمين، عبروا المسلمين إلى النهر. لما عبروا المسلمين إلى النهر، بدأت المعركة، والفرس معاهم الفيلة، وبدأت خيل المسلمين تخاف من الفيلة، واضرب، لا تضرب، ومعركة حامية، حامية، حامية، كثر القتل في المسلمين.

كثر القتل في المسلمين. لما كثر القتل في المسلمين، تراجع بدأ الـ فرس يضغطوا، إيش اللي وراء المسلمين؟ نهر. نهر. وراء المسلمين نهر، يعني، ما يقدروا؟

ينسحبوا. ما يقدروا ينسحبوا أو يهربوا، لأنه تقدر تنسحب وتقدر تهرب، تهرب، إيش الفرق؟ تهرب ما ترجع، تنسحب ترجع. لا، الفكرة إنه الهرب يصير فرار غير منظم، يعني، كل واحد يمسك خيله ويروح على طرف، هذا الهروب.

جيد؟ زي المسلمين اللي هربوا في أحد. لما تعرفوا النبي -صلى الله عليه وسلم- ثبت وانحاز إلى الجبل، وفي من الصحابة اللي راح المدينة، واللي راح مدري وين، واللي، زي كذا، هذا اسمه هروب، زي يوم حنين لما تفاجؤوا بالسهام، هوب، كل واحد حط، راح طرف.

الانسحاب غير، الانسحاب زي مؤتة. أيوة. على القول بالانسحاب، تعرفوا، قلنا في قولين للمؤرخين، إنه يجي القائد يقرر إنه يصير في انسحاب، وينظم فكرة الانسحاب بحيث إنه هذا الجيش يخرج، ينحاز، وبعدين ممكن يهجم مرة ثانية أو ينظم.

هنا المسلمين، لا يقدروا ينسحبوا، ولا يقدروا يهربوا. كان في طريقة واحدة للانسحاب أو الهرب، وهي؟ الجسر الذي عبروا منه على النهر، ما احنا قلنا تعبروا إلينا، أو تعبروا إليكم؟ نعبر إليكم؟ كيف عبروا؟

كيف عبروا؟ بالجسر، صح؟ إيوه. ما هو واحد من المسلمين -الله يهديه- كان متحمس، تمام؟ بعد ما قتل، طبعًا أبو عبيد، أبو عبيد نسيت أقول لكم، أبو عبيد قائد الجيش؟

أبو عبيد قائد الجيش قتل دهسًا بفيل، الفيل دهسه، قتله. أعوذ

بالله. وبعدين قتل، طبعًا أبو عبيد أبو عبيد قبل المعركة، قال إنه: "أنا إذا قتلت يمسككم فلان"، لا لا، المثنى كان موجود، بس هو أمر ناس من قومه إنه: فلان، وفلان، وفلان، سبعة، سبعة هذول كلهم قتلوا.

كلهم قتلوا، إلين ما جاء المثنى مرة ثانية، المثنى يبغى ينسحب الآن، انسحاب، راح واحد من المسلمين، قطع الجسر. لما قطع الجسر، قال: "موتوا على ما مات عليه قادتكم".

ليش؟ ليش؟ كدا. المثنى من الغضب راح ضربه. موته؟ راح ضربه. يعني، إيش؟ ضرب ضرب هذا الرجل اللي قطع الجسر، وقال: "ما في"، يعني، خلاص صار في ضغط من الفرس، وما في ما في أمل إنك أنت تقاتل الآن، انتهى يعني.

سباحة. ااا هي، هي سباحة؟! أنت في جيش ضاغط عليك، مو كدا. فصار، صار، سووا، سووا خطة، إنه في ناس تسوي تسوي حماية، وفي ناس تصلح الجسر.

جيد؟ كان من الناس اللي في الحماية، اللي ما رضي إنه يكون في الخلف، مين؟ المثنى. المثنى. ولذلك، أصيب بجراحات كثيرة في تلك المعركة. المثنى؟

لا لا، ما ما قتل، لا، ما قتل، بس إنه أصيب بجراحات، وبدأ يصلـ بدأوا المسلمين يصلحوا، يصلحوا، يصلحوا، وهذول يقاتلوا ويدافعوا، يحاولوا بس، يعني، يدفعوا الفرس فترة الإصلاح، إلين ما صلحوا الجسر فعلًا، وبدأ الجيش ينسحب وهذول يدافعوا، ينسحب ويدافعوا، إلين ما استطاعوا؟ الانسحاب. استطاعوا الانسحاب، بعد ما بقي منهم 2000 فقط.

كانوا كم؟ كانوا أظن 8 9000. شيخ، أصلًا كان مع المثنى 7000 ولا 8000.

خلاص، باقي معاهم 2000. وأبو عبيدة بن الجراح مو كان في الشام؟ أبو عبيد وليس أبو عبيدة، وليس أبا عبيدة. تمام؟ فا، ااا، عبروا، ورجعوا بجراحاتهم الشديدة هذه، ونفسيتهم الـ، الـ، المؤلمة، ما ادري يا بألفين يا بثلاثة، أكثر شيء ثلاثة يعني، إذا كان. فرجع المثنى إلى

البلد اللي كان فيها، نسيت هي الحيرة أو الحيرة أو شيء، إنه كان بيرجع لها. الفرس قالوا: يا جماعة والله ما عندكم فرصة أحلى من هذه.

القائد حقهم أرسل قائد من قواد الجيش، قال له: روح الحق المسلمين مضروبين مهزومين، قوادهم قتلوا، كلهم كم ألف مدري ألفين مدري ثلاثة آلاف، واديهم على رأسهم وخليهم يخلصوا وخلاص.

وبالفعل لحقهم جيش الفرس. كله؟ لا أرسل كأنه كتيبة يعني أو شيء. تقريبا ثلاث آلاف مدري. ما أعرف والله، بس إنه أرسل كتيبة مع قائد ولما قرب المثنى من البلد، هو يهرب ي- يعني يقصد يركض بالجيش وهذول وراه وراه وراه لين ما قرب من المدينة

ويلتفت عليه المثنى. قده مرتب مع جيشه. وينقضوا عليهم انقضاض عكسي. ويمسحوا لك الجيش الملاحق لهم مسح. بعد ما كانوا مهزومين بالجراحات بالنفسيات خلينا نقول، أنت تفكر تقول إنه كيف ممكن هم ممكن يسووا شيء زي كذا، لكن فعلًا استطاعوا إنهم يرجعوا ينعطفوا على الجيش ال- اللي كان يلحقهم، أو الكتيبة اللي كانت تلحقهم، واستطاعوا بفضل الله سبحانه وتعالى إنهم يهزموها.

يطلع بالسلسة إيش؟ طيب، إحنا الآن وصلنا إلى منطقة أو إلى مرحلة حرجة في الشام هناك، اللي هي الجيوش الكبيرة، نسيت أقول لكم شيء إنه لما الأمراء الأمراء أرسلوا لأبو بكر الصديق إنه: يا أبا بكر ترى الوضع مرة سيئ.

لما أرسلوا، كان وصاهم وصية، قال لهم: خلاص، هو كانوا كل واحد في منطقة. كان عمرو بن العاص أظنه واصل الأردن، مدري مين كل واحد واصل منطقة، قال: اجتمعوا كلكم في جيش واحد.

والروم فعلًا مو كانوا مرسلين جيوش متعددة؟ أيضًا الروم اجتمعوا كلهم في منطقة واحدة، وجاء خالد بن الوليد الآن من العراق، إن شاء الله في اللقاء القادم راح نكمل إنه لما جاء خالد بن الوليد إلى الشام، إيش اللي صار؟ في الحلقة القادمة. وأيضًا، إيش اللي صار إنه ما بقي أحد مع المثنى؟ الجيش القليل هذا، والفرس، إيش اللي صار بعد كذا؟

Part of Series