مهارات الحوار والرد

المختصر في علم المناظرة {1}

35 دقيقة 2020-03-23
تحميل الصوت

البحث في محتوى المقطع

الآن احنا عندنا في المناظرة طريقتان. عشان نسوي مناظرة، يعني اليوم احنا راح نطبق إن شاء الله. عشان نعمل مناظرة، عندنا نظامان. النظام الأول هو النظام التراثي الموجود عندكم في المتن. ال- النظام التراثي يركز على إيش؟

طيب، النظام التراثي يركز على إيش؟

الشبهة؟ لا، احنا نتكلم عن مناظرة، ما نتكلم عن شبهات.

ها؟

سؤال وجواب، يعني يركز على ايش؟ نسميه إيش؟ مجيب وسؤال، نسميه إيش؟ يركز على الحوار؟ على الدليل والرد؟ يركز على الموضوع. ركز على الموضوع. احنا عندنا موضوع.

تمام؟ نظام المحا- المناظرة قائم على الموضوع. وليس قائما على الوقت. ما في وقت. في موضوع معين، عندنا قضية للمناظرة، أنت إيش؟ مدعي، أما معترض؟

مثبت أم نافي؟ إذا أنت مدعي مو على كيفك تقول الكلام اللي تبغاه. عندك وظائف، يسموها وظائف، وظائف محددة. تبدأ بالوظيفة الأولى، بعدين الثانية، بعدين الثالثة.

طب أنت معترض؟ عندك وظائف محددة. لو تشوفوها عندكم في المتن، مكتوب وظيفة إيش أول شيء؟ وظيفة السائل، اللي هو، معاك ورقة يا شنقيطي؟ معاك ورقة؟

وظيفة السائل إيش هي؟ أو من هو السائل؟ لا، لا، المعترض. والثاني: المعلل، اللي هو المدعي، تمام؟ في وظائف، تمام؟ ااا، طيب، إيش النظام الثاني في المناظرة؟

نظام الوقت. هو اللي سائد الآن، صح؟

تعرفوا، دائمًا، ع- عادة المناظرات تبدأ أحيانًا بربع ساعة، ربع ساعة، بعدين 10 دقائق، 10 دقائق، 5 دقائق، 5 دقائق، أو ربع، يعني تستمر حسب النظام، لكنها تركز على الوقت.

طيب، إيش، إيش ااا، إيش برأيكم أفضل؟ يعني، ااا، طبعًا، كما هو بحسب قوة نظام، نظام، يعني، اللي مرتب المناظرة، أحيانًا المرتب للمناظرة يكون عنده قدرة، وعنده معرفة، وبالتالي هو يرتب الكلام حتى. لكن السائد اليوم اللي احنا نشوفه، هو أنه: يلا يا جماعة، أنتوا إيش عندكم تبغوا تناظروا إيش؟ العلمانية والإسلام.

أصلًا أصلًا غلط المناظرة في الإسلام والعلمانية، غلط، كدا هذا موضوع مناظرة غلط. لأنه هذا مو موضوع مناظرة، هذا رسالة دكتوراه. فعلًا. موضوع المناظرة يجب أن يكون محدد.

هذا يدعي أن العلمانية هي التي مدري إيش، خلاص، الموضوع محدد. تمام، بس اللي سائد إيش؟ يعني بغض النظر عن وجه لوجه، بس إنه في برامج المناظرة،

ال- اللي سائد هو أنه أنت عندك ربع ساعة تفضل تكلم، صح؟ وهذا يتكلم، يقول كل شيء. ويلا عندك ربع ساعة ترد. طيب، أنا أرد، إيش أقول يعني؟ أرد على إيش؟ على الربع ساعة؟ طب هو خلال ربع ساعة طرح 16 قضية، أنا أرد على إيش ولا إيش؟

بعدين يجي يقول لي: "ها، أنا باقِي لي ثلاثة أشياء ذكرتها أنت ما رديت عليها"، إيوه، طبعًا ما رديت عليها.

لأنه أنا عندي ربع ساعة وأنت طرحت لي 16 موضوع، أنا أرد على إيش ولا إيش؟

ف- ااا يعني أنا أتصور إنه لو احنا اعتمدنا نظام الموضوع، وخلينا الوقت مساعد، ممكن يكون الوقت مساعد، يعني نظام ممزوج بين الاثنين. يصير الأصل هو الموضوع، بعدين، مثلًا، ممكن تحدد وقت، تقول: أنت عندك ااا إثبات القضية، بس عندك ترى خمس دقائق.

والرد، إيوه، بالظبط، يعني ممكن الرد يكون ثلاث دقائق. طيب، عمومًا. ااا احنا اليوم، بإذن الله، في نظام المناظرة اللي حنطبقه، راح نطبق النظامين. نبغى نشوف بأنفسنا أيه أفضل؟

جيد؟ نبغى نطبق نظام الموضوع، ونبغى نطبق نظام؟ الوقت. فرح نخلي القضية، واحدة من المناظرات، حنخلي القضية مفتوحة، أنت عندك 10 دقائق، قول اللي تبغاه.

وأنت عندك 10 دقائق، قول اللي تبغاه، ونكمل ونشوف. ونسوي نظام آخر، ما في وقت محدد، في وقت أقصى، بس. لكن ما في وقت أدنى، شباب، أنتوا إيش عندكم قضيتكم؟ مثلًا التمذهب، أنتوا تنصروا التمذهب؟

يلا، عندك القضية، أثبت، أثبت ااا،

أو اذكر أدلتك، أو مستنداتك، ويجي الطرف الآخر يرد، ونحدد وقت أقصى بس، تمام؟ طيب، ااا

احنا ودنا نمر مرور سريع على، على هذه الورقتين، على أساس نفهم إيش هو النظام التراثي، حتى إذا جينا نطبقه نقدر نطبقه بشكل صحيح. طبعًا هو بصراحة، يعني، مو سهل إنه احنا نمر عليه بوقت قصير.

يعني أنا متأكد إنه ممكن عدد مو قليل، ما راح، يعني يستوعب القضية بشكل جيد؛ لأن هي أصلًا متن مضغوط يعني. لكن أنا، يعني أدعو إنه نحن نصبر شوية، نحاول نتفهم الموضوع على الأقل، على الأقل ندرك ملامح ال- القانون التراثي في المناظرة، بحيث إنه، يعني لما نجي نطبق، على الأقل يكون عندنا، ولو ملامح عامة.

طيب، الآن كم عنوان موجود في

كم عنوان موجود في الورقتين؟

باستبعاد الختام اللي هو، اللي هو قال: "وصلِ اللهم على نبينا محمد". خمسة، خمسة. أربعة، غير خمسة. لا، مقدمة، المقدمة عنوان، تمام؟ خمسة، هذه الخمسة عناوين هي موضوعات علم المناظرة، يعني مثلًا، هذا الكتاب هو فيه الموضوعات الخمسة هذه، تمام؟

يعني هذه، هذا نموذج مختصر من كتب المناظرة المطولة، خمسة موضوعات. طبعًا هذا تقسيم اجتهادي، هذه العناوين أنا حاطها، يعني هو مو محطوطة زي كدا، تمام؟

طيب. ااا إيش الخمسة الموضوعات اللي في كتب علم المناظرة التراثية القديمة؟ أول شيء مقدمة، المقدمة، طبعًا هذه المقدمة أحيانًا تكون في بعض الكتب 60 صفحة، 70 صفحة.

اللي، إيش يتكلموا في المقدمة؟ إيش قال هنا؟ بعد الحمد والصلاة؟

عرف المناظرة، تمام، هو أهم شيء. عرف المناظرة، جيد؟ طبعًا في الكتب التراثية إيش يذكروا؟ في الكتب التراثية: ما الفرق بين علم الجدل وعلم المناظرة؟ والفرقات الطويلة، العريضة، لأنه في خلاف بين ال- ال- ااا في خلاف بين العلماء في تعريف هذا، وتعريف هذا.

وبعدين يصير في فوائد المناظرة، أهمية المناظرة، المناظرة في القرآن، نماذج، أحيانًا تجد هذا التوسع في بعض الكتب، هذه المقدمة، تمام؟ يبدأ بعدين ااا في م- في عفوا، في، في عنوان هنا، في عنوان ما هو مذكور في هذا المتن، وهو مهم جدًا في كتب المناظرة. ااا اللي هو وهو كويس إنه ما ذكره، يعني جيد إنه ما ذكر هذا العنوان، أعجبني، أنا أصلًا، أنا أحب هذا المتن، تمام؟ ولي شرح له في اليوتيوب موجود، وم- وهذا تفريغ له، وبعدين اللي يبغاه ممكن ياخذه مفرغ، الشرح كامل يعني على المتن.

ليش يعجبني هذا؟

لأنه حاذف هذا العنوان. يعني من الأسباب إنه حاذف العنوان، إيش هو العنوان؟ لا، بيان ما تجري فيه المناظرة، كدا، عنوان بيان ما تجري فيه المناظرة، تجري المناظرة في إيش؟ العنوان مغري ولكن التفاصيل، غير، غير مفيدة كثيرًا.

ااا لأنها، لأنها مبنية على علم المنطق فقط، إذا ما، إذا ما أنت دارس علم المنطق ما تستفيد، طب أنا أبغى أناظر، لازم أكون درست علم المنطق؟ مو معقول!

طب مناظرات الأنبياء قبل علم المنطق، مناظرات؟ ماهي محصورة بعلم المنطق. فهو يقول لك بيان ما تجري فيه المناظرة، تجري المناظرة في ثلاثة أشياء، في التعريفات، والتقسيمات، والتصديقات، هذه كلها مصطلحات طبعًا.

المناظرة في التعريفات لها قانون طويل، عريض، يعني مثلًا هنا، اللي يبغى ياخذ عنها فكرة يرجع لكتاب، عبد الحميد، محي الدين عبد الحميد. سوى فصل لكل واحد منها، المناظرة في التعريفات، إيش هو؟ المناظرة في التقسيمات، المناظرة، ما يهمنا هذا، هو تجاوز هذي، وأنا أعجبني إنه تجاوز الموضوع.

أتى للخلاصة اللي هي إيش؟ وظائف المتناظرين، يقول لك إحنا عندنا

سائل ومعلل. إيش وظائف السائل؟ الإيش؟ المناقضة والنقض والمعارضة.

علم مصطلحات، علم مصطلحات. عشان كذا مدرك إنه هذا الوقت ما راح يكفي،

لكن خلينا نـ نمر. إيش إيش المناقضة؟ وإيش النقض؟ وإيش المعارضة؟

ها؟ السائل هو المعترض. أنا مسوي تشجير هنا.

هو مسوي كمان هنا؟ إحنا الآن نتكلم عن عن وظائف المتناظرين في علم المناظرة التراثي، تمام؟ ليش نتكلم عن هذا الموضوع؟ نتكلم عن هذا الموضوع؛ لأنه باعتقادي إنه هو أجدى في إقامة المناظرات من النظام المعاصر، أو النظام الحديث، اللي هو يعتمد على مجرد الوقت بغض النظر عن المضمون. طيب، لو أنت تعلمت هذا النظام، هل أنت جاهز للمناظرة؟ الجواب؟

لا، أنت أخذت واحد من الروافد، إيش الروافد الأخرى؟ من أهم الروافد الأخرى، القواعد والأفكار النقدية اللي إحنا جالسين نأخذها في هذه الدورة بشكل عام.

ومن أهم الـ القواعد اللي أخذناها أمس، اللي هو أنت كيف تبدأ القواعد الستة اللي أخذناها، والمقدمتين اللي أخذناها قبل الستة. اه وغير ما قدم قبل ذلك في البناء النفسي وما سيقدم في التفكير الناقد وما إلى ذلك بإذن الله. فهذه هي بمجموعها تكون لديك الحس.

تجعلك قادرا بإذن الله على المناظرة، طيب إيش دخل الـ المهارات الخطابة والإلقاء؟ هي

مرتبطة ارتباطا وثيقا أيضا؛ حتى يكون أداؤك أيضا أداءً جيدا. بالضبط. طيب. الآن هو يقول لك إنه إحنا عندنا طرفان، عندنا

عندنا سائـ السائل.

وعندنا

المعلل، طبعًا هو المنطق إنه يبدأ بإيش؟

المعلل. منطق إنه يبدأ بالمعلل، صح؟ وإلا؟ ليش بالسائل؟

لا المعلل هو المثبت.

لا مو المعلل هو اللي جايب القضية. أنا ما أدري، أنا أشوف إنه منطقيًا إنه يبدأ بالمعلل وليس بالسائل.

هو المدعي. هو المفترض نظام المناظرة، أنا مدعي شيء، أنا إذا مطلوب مني إني أفعل 1 2 3. صح وإلا لا؟ ليش بدأ بالسائل؟ ما أعرف، هو ليش بدأ بالسائل قبل المعلل؟ ربما يكون هذا هو السائد، ما أعرف، لكن أنا أعتقد إنه لو بدأ بالمعلل قبل السائل فهذا أكثر منطقيةً.

طيب ماشي، أحيان نمشي بالسائل، السائل يقول لك، إحنا عندنا الآن،

مقدمة دليل، زائد دليل، يساوي، نتيجة.

هذا هذه الفكرة اللي هو جايبها في الكتاب، طبعًا نحن نقدر نصوغ العبارات بـ بعبارات أوضح. هذه الثلاثة، هي اللي تدور عليها عملية المناظرة. فهو يقول لك السائل، دوره إيش؟ دوره الأساسي هو إيش؟

المناقضة والنقض والمعارضة، كلها إيش؟ نقدر نجمعها بكلمة إيش؟

ترى لو نظرت في المتن، هو جاب كلمة بالفعل المضارع ممكن تدل عليها، يمنع، اللي هو؟ المنع. وظيفته الأساسية هو، هي، المنع، صح؟ واضح؟ وظيفته الأساسية هي المنع، طيب إيش يمنع؟

يا سلام، إما يمنع مقدمة الدليل، أو يمنع الدليل، أو يمنع،

بالضبط، بس هي طريقة الرد هذه عندهم، لها نظام. تمام؟ واضحة هذه إلى هذا الحد واضحة؟ إما أن تمنع مقدمة الدليل أو الدليل أو النتيجة.

طيب لو أردنا نغير هذه حتى تكون واضحة لنا في مصطلحاتنا المعاصرة، إيش ممكن نغيرها؟ يعني السائل خلينا بـ بدل السائل، إيش ممكن نقول؟ النافي، المعترض، المعارض.

إما أن يمنع إيش؟

إما أن ينفي إيش؟

قبل الدـ قبل الدليل اللي هو، الأساس أو المنطلق أو الـ أو مقدمة أو الفرضية، أو القاعدة أو المسلمة، جيد؟ بحيث أنها تكون واضحة يعني، إنه ممكن أنا أـ أجعل شـ الـ الـ الضربة اللي أضربها على الـ المنطلق الأساسي

اللي ينطلق منه الإنسان، ومن قال لك أصلا إنه أنا أسلم لك بهذه المقدمة؟ واضح؟ وإما إنه إنه أعترض على إيش؟ على الدليل لأن، طيب إذا أنا اعترضت على الدليل، معناه إني ممكن أكون سلمت بإيش؟

بالمقدمة، بس أنا ما اعترفت بدليلك. يعني ماشي، كلنا نتفق على هذه المقدمة، لكن أنا ما أتفق معك، يعني مثلًا مثلًا، وجود الشر في الأرض، هذه أنت تمنع المقدمة وإلا ما تمنعها؟

ما أمنعها، أنا أتفق معك نعم موجود مصائب وكوارث وشرور، موجود. هذه هذه هي، أنا أنا السائل بس ما منعت هذه المقدمة. جيد؟ اه الدليل، ممكن هو يقول لك في مسألة الشر إيش الدليل؟

إذا بينتقل من المقدمة للدليل.

أول شيء إيش النتيجة اللي بيوصل لها؟ لا يوجد إله، لا يوجد إله. صح؟ لا يوجد إله، إيش الدليل اللي بيستعمله؟ وجود وجود الإله الرحيم يمـ يمنع وجود الشر.

هذا الدليل الآن، صح؟ صح؟ طيب. أنا سلمت بالمقدمة، ما منعت المقدمة.

أناقض، أناقض النتيجة، أو أناقض الدليل؟ الثنتين. الثنتين، ممكن أناقض الثنتين. صح؟ طيب، بس كيف أناقض الـ الـ الأمرين؟ هنا تجي فائدة علم المناظرة، تجي فائدة علم المناظرة إنه يقول لك، أنت لو تبغى تناقض النتيجة، كيف تناقضها؟

طيب، بس تبي تنقض الدلـ النتيجة، إيش تسوي؟

لا بغض النظر الدليل صح، ﴿إِنَّ اللَّهَ يَأْتِي بِالشَّمْسِ﴾ قبلها إيش؟ ﴿قَالَ أَنَا أُحْيِي وَأُمِيتُ﴾ هو تجاوز هذا، صح؟ ما رد عليه.

هذا نقض الدليل. لا هذا نقض الدليل، هذا عند علم المناظرة اسمه نقض الدليل، تعرف إيش يسموه مصطلحًا؟ يقول لك، اه إثبات تخلف الدليل عن المدلول.

يسمى نقض بالشاهد، كذا مصطلحهم، نقض بالشاهد تخلف الدليل عن المدلول، خلينا من هذا. النتيجة كيف أـ كيف، إيش أسوي؟ طيب إيش رأيكم ننظر في المتن؟

خلينا ننظر في المتن، خلينا نشوف إيش قال، وظيفة السائل، تمنع بالدليل، صح؟ بس ما قال إيش هو الدليل، صح؟ طيب، بس اه إي ما ذكر، هنا عشان إنه مختصر جدا، أنا ظننت إنه ذكر، طيب، بس هو أشار إنه تمنع بدليل، تمنع النتيجة بدليل، إيش؟

طيب، هم إيش يقولوا؟ يقولوا إنه النتيجة، هذه النتيجة إيش هي؟ لا يوجد إله، صح؟ نعم. إيش نقيضها؟

يوجد إله، صح؟ النقيضان لا يجتمعان.

فإذا أثبت النقيض بدليل قطعي، يسقط النقيض. واضحة الفكرة؟ هذه هذه هذه زي كذا النظام عندهم، إنه تسقطها بدليل. تث-تثبت عكس ما ما يريد إثباته.

وبما أن النقيضين لا يجتمعان إذًا إثبات أحد النقيضين يعني بطلان الآخر ضرورة. يعتبر مفهوم المخالفة؟ لا لا، يعني مفهوم المخالفة ب- إذا بتوسع تقول مفهوم المخالفة بس هي...

عفوا؟

إيش هي؟

اه لا لا لا ما قال هذا. قال: "أثبت أثبت إنه الدليل ما يستلزم النتيجة". هذا اسمهم إ- اسمه عندهم ايش؟ نقض الدليل مع إنه ممكن إنت ما تسمي نقض للدليل يعني هو شوفوا هذه المعادلة الثلاثية، أنا بالنسبة لي عندي معادلة أعتقد إنها أوضح، إيش هي؟

إنه في دليل زائد استدلال يساوي نتيجة. وإنه نقدك إما أن يتوجه إلى الدليل وإما يتوجه للاستدلال وإما يتوجه للنتيجة. أعتقد إنه هذه ما أدري، أعتقد إنها أكثر عملية.

لا، الاستدلال هي الانتقال من الدليل إلى النتيجة. هل يستلزم أو لا يستلزم؟

واضح؟ هنا ما في استدلال. هنا ما ذكر الاستدلال. شملوه بالدليل.

الدليل؟

إي.

إي. ي- يعني المقدمات فيها أسلم أو لا أسلم. تقدر تجعلها قواعد قبلية، زي إحنا أمس ذكرنا أول قاعدة إنك ما تسلم.

بس أنا أقصد إنها ما تحتاج إلى قانون خاص أو تركيز خاص. إنه خلاص، فالمقدمة تسلم أو ما تسلم، انتهينا.

بالضبط. يعني أنت جاي للمقدمة، أنا ما ما أعترف أصلًا بهذه المقدمة. يعني أقصد أنا ما أحتاج إلى قواعد تفصيلية حتى أستطيع إني أمنع المقدمة.

لكن اللي أحتاج إني في قواعد وأيش أنقض بالضبط، إما الدليل أو الاستدلال أو النتيجة. يعني أمس إحنا ذكرنا قاعدة في نقد الدليل تذكروها؟ فحص فحص الشواهد والمستندات تذكروها؟

ذكرنا من ثلاث جهات صح؟ من الثبوت، وفهم اللفظ، وفهم السياق. هذا الآن هذا الآن أنا جالس أوجه نقدي للدليل. الآن إحنا أمس أخذنا ثلاثة عوامل أو وسائل لنقد الدليل.

جيد؟ طيب. شوفوا شوفوا امم طيب، "وإن

كان الثاني"

وفي وظيفة السائل: "وإن كان الثاني" "فإن منع بالشاهد فهو النقض". "فإن منع بالشاهد فهو النقض". طيب، أنا هنا بأقرأ عليكم شوي من الشرح، نفس الشر- الشرح المفرغ:

"للنقض عند علماء المناظرة طريقتان". اللي هي النقض الآن متوجه لأيش يا براء؟

توجه لأيش؟ للدليل. تمام؟ أول شيء قال: وظائف وظيفة السائل ايش؟

المناقضة والنقض والمعارضة. النقض مصطلح خاص بنقد الدليل. طيب كيف تنقُد أو تنقُض دليل المخالف عند علماء المناظرة التراثيين؟ لك طريقتان. لك طريقتان في نقد الدليل.

وأنا أعتقد إنه هاتين الطريقتين أو إنه ل- ليست ليست كافيتين، يعني ل- هاتان الطريقتان يمكن أن ينقض الدليل بطرق أكثر. يعني مثلًا الطرق الثلاثة اللي ذكرناها هنا في نقد الدليل ليست مذكورة في الطريقتين اللي تذكر في كتب المناظرة. جيد؟ إيش يذكروا بالضبط؟ اسمعوا:

"للنقض عند علماء المناظرة طريقتان: إما أن تأتي بالدليل نفسه، أو بمشابه للدليل، ثم تثبت أن هذا الدليل قد جاء في سياق لم يتولد منه النتيجة".

تخلف الدليل عن المدلول. في الاستدلال، بالضبط بالضبط. معانا يا إسلام؟ معانا يا عالم؟

الآن في المعادلة الجديدة هذه، الطريقة الأولى للنقض هنا فين تتوجه؟ لا. للاستدلال. وهنا فين تتوجه؟ هي نفسها، بس عند علماء المناظرة يسموه نقض للدليل.

وفي المعادلة الجديدة هذه، نقض لأيش؟ للاستدلال. واضح تمامًا؟ واضح؟ طيب، هذه الطريقة الأولى في إثبات نقض، أو في طريقة نقض الدليل. تمام؟ بالمناسبة هي طريقة مفيدة، يعني أنت لما يكون في بالك إنك إذا جبت الدليل نفسه أو مشابه له بإثبات تخلف النتيجة، فأنت جالس تطعن في قضية ال- التلازم.

طيب، ايش الطريقة الثانية؟ يقول لك: الطريقة الثانية، ما ماني لاقيها هنا، لكن هي أضيف ال- ال- الطريقة الثانية للنقض، اللي هي إثبات استلزام الدليل للمحال.

لمحَال منطقي، يعني إثبات إنه الدليل يستلزم الدور، أو التسلسل. واضح؟ يعني إذا أثبت إنه هذا الدليل محال، يستلزم المحال، مثل يعني مثلًا زي من مثلًا من خلق الله؟

جيد؟ فإذا أثبت إنه هذا الدليل يستلزم التسلسل الممتنع، فمعنى هذا إنه الدليل باطل. يعني خلاصة الكلام يا شباب: إذا أردت أن تنقض دليل الآخر عند علماء المناظرة فلك طريقتان أو طريقان، الطريق الأولى:

إثبات تخلف الدليل عن المدلول، كيف تثبت تخلف الدليل عن المدلول؟

تجيب نفس الدليل، أو مشابه له، وتثبت أنه وجد في هذا المكان ولم توجد منه النتيجة التي أنت استدللت بها، فمعنى ذلك إنه وجوده لا يستلزم وجود النتيجة.

واضح؟ هذه الطريقة الأولى، كيف أنقُض، كيف أنقُض الدليل بالطريقة الثانية عند علماء المناظرة التراثيين؟ إذا أثبت إنه هذا الدليل، وجود الدليل يستلزم شيئًا محالًا، مثل أن يستلزم التسلسل الممتنع: من خلق الخالق؟ طب من خلق خالق الخالق؟ طب من خلق خالق خالق الخالق؟ طب من خلق خالق خالق...

ما دام يستلزم تسلسل اللانهائي الممتنع هذا، إذًا هو دليل باطل. واضح؟ نعم. أنا كدا نقضت الدليل.

هي كلها كلها يعني مصطلحات مت- زي الدور مثلًا. إثبات إنه ي- إنه يثبت، إنه يستلزم الدور. الدور مثلًا اا صحة أ متوقفة على صحة ب، وصحة ب متوقفة على صحة أ.

جيد؟ هاه؟ ايه خلاص تقعد تدور

في نفسها، بيضة قبل الدجاجة دجاجة قبل، زي كدا. فهذا دور يسمى دور منطقي. طيب.

طيب، الآن هذا نقض الدليل، طيب، وأخذنا كيف ننقض المدلول، صح؟ أخذنا كيف ننقض النتيجة؟ أخذنا طريقة واحدة، تقدر تقولها يا محمد هديب؟ طيب مين يقدر يقولها؟

كيف ننقض النتيجة؟ أخذنا طريقة واحدة لنقض النتيجة عند علماء المناظرة، طيب معلش اللي يعرف اللي يعرف يرفع، اللي يتذكر ايش قلت يرفع يده. الأغلب ما شاء الله، طيب ممكن عمار؟

يا سلام عليك. اثبات خلينا نقولها بالطريقة التالية؛ لأنه انت مو المهم الدليل، الآن المهم أن تثبت إيش؟ النقيض النقيض. فإثبات نقيض النتيجة التي يدعيها الطرف الآخر بدليل قطعي.

وإذا أثبتها بدليل قطعي معناه إني أثبت إحدى أحد النقيضين، وإذا أثبتّ أحد النقيضين معناه إنه سقط؟ سقط النقيض الآخر النقيض الآخر اللي هو يبغى يدعيه. هذي معارضة؟ هذي معارضة.

هذا إسقاط للنتيجة عن طريق علم المناظرة التراثي، جيّد؟ في طرق أخرى لإسقاط النتيجة. في طرق أخرى لإسقاط النتيجة وإن كانت يعني بطريقةٍ أو بأخرى ممكن تُـ مـ ممكن تُدخل في نفس الطريقة التراثية.

يعني أنا مثلًا في أصول الخطأ آخر قاعدة في نقد الـ في نقد أصول الخطأ اللي هي: أن تنظر إلى أنواع الأدلة الأخرى في نفس الباب هل تثبت نتائج أقوى منها أو لا؟

اللي هي المقارنة بين النتائج. في الأخير معنى المقارنة بين النتائج، إنه ممكن تجد نتيجة تناقض هذه النتيجة، وتكون مبنية على دليل قطعي. إيه لكن أنا ركزت على قضية أنواع الأدلة؛ لأنه الدليل اللي يستدل فيه قد يكون خبري، وأنت عندك دليل عقلي.

فعادي تعارض الخبري بالعقلي إذا كان يعمل في نفس النتيجة، وأحـ وهذا قطعي. عمومًا صار عندنا الآن كم وسيلة للنقد، والنقض، والمعارضة، والمنع، والرد، كم وسيلة؟ أربع أربع وسائل؟ ايش هي؟ إثبات تخلف الدليل عن المدلول هذه موجهة لإيش؟ موجهة للدليل موجهة للدليل، ياسلام، أيضًا؟ وإثبات وجود الدليل إيييه للمحال؟ للمحال استلزام استلزام الدليل للمحال، هذا موجه لإيش؟ للدليل نفسه للدليل نفسه، طيب؟ إثبات نقيض النتيجة التي أتى بها إثبات نقيض النتيجة التي أتى بها الطرف الآخر يا نور، صارت الوسيلة الثالثة، وأيضًا؟

معانا يا أحمد؟ إسقاط المقدمة ضيعت شوية. إسقاط المقدمة نفسها المقدمة مش كذا؟ يا سلام، عدم التسليم بالمقدمة الباطلة، منع المقدمة الباطلة. شباب، يعني مابغى يعني أبالغ في شيء، لكن ثقوا تمامًا أن قراءتكم لكتاب من كتب علم المناظرة لا يمكن أن توصل لهذه النتيجة.

هذا التسهيل، التسهيل، التسهيل الذي يمكن أن يقدَم؛ لأنه فعلًا كتب علم المناظرة صعبة، صعبة صعبة يعني هي كلها مصطلحات. جيّد؟ فإحنا خلاصة الكلام، إنه احنا عندنا ما يمكن أن يطرحه الآخر ثلاثة أشياء: إما مقدمة، وإما دليل، وإما نتيجة، أنا ممكن أمنع المقدمة، أو أمنع الدليل، أو أمنع النتيجة، إذا أمنعت المقدمة المقدمة يجب أن تكون باطلة، أو أو، وهذي نسينا نقولها، تكون المقدمة ايش؟

مجرد دعوى.

مجرد دعوى. جيّد؟ إذا كانت مجرد دعوى وأنت ما تسلّم بها ماهو لازم تجيب دليل، بس تقول: أنا ما أسلّم. أمنع. بالضبط بالضبط، هو المطالب إنه يثبت. بل بالعكس علماء المناظرة يقول: يجب عليك إنك أنت ما تأتي بدليل لتثبت به عدم صحة المقدمة اللي ما جاب عليها دعوى؛

لأنه هذا شغله هو مو شغلك أنت. أنت شغلك إنك بس تمنع. يسموا هذا غصب أصلًا، مصطلح غصب، أظنه موجود عندكم، فهو غصب ممنوع، يسموه غصب.

طبعًا إحنا، لا هي مو نوع من الضعف؛ لأن هي هي أول شيء وسيلة صحيحة، والشيء الثاني هي وسيلة علمية موجودة في الكتب إييه أقصد موجودة في هذا العلم، معـ معتمدة في هذا العلم. لكن أنا أتـ أفضّل إنها فعلًا تكون آخر شيء؛

لأن الإنسان ما يبدأ فيها لـ، إذا أنت الدليل منتا مسلّم فيه، دليل فيه خطأ، أثبت خطأ الدليل، ما يحتاج أروح أثبت خطأ النتيجة. طيب بس باقي شغلة واحدة، هه؟

كل منع للمقدمة هو غصب ولا؟ لا لا لا، المنع بالدليل غصب، المنع بدون دليل هذه وظيفتك. جيّد؟ غصب لأنك، لأنه الدليل من وظيفة المـ، المدّعي وليس من وظيفة المعترِض.

واضح؟

فهو، هو كذا فكرة علماء المناظرة إنه كل واحد له دور لا تدخل على دور خـ خويك. طبعًا أول شيء أول شيء أول شيء ليس من الصحيح إنه احنا ننظر للمناظرات الموجودة في القرآن أو في خارج القرآن ونحاول نفصّلها على هذا القانون بالضبط، ليس بالضرورة؛

لأنه ليس هذا هو القانون الذي لا يمكن أن تجيب إلا به بالضبط. هذا واحد. ثانيًا، يحتاج تأمل، يعني احنا الآن إبراهيم عليه السلام اعترض على إيش؟

مع النمرود ولا مع قومه؟ مع النمرود، اعترض على إيش؟ إيه، بس يعني على مقدمة أو على دليل أو على نتيجة؟ على دليل. اعترض على دليل؛ لأنه ايش؟

الـ، النقاش كان في ايش؟ كان في إنه إله أو ليس إله؟ أو كان في وسيلة إثبات الألوهية؟ الوسيلة الوسيلة اللي هي الدليل، صح؟ فالنمرود كان يقول: أنا أحيي وأميت.

فإبراهيم عليه السلام أتى له بدليل يعارض دليله. صح؟ بس ما نقض

دليله يعني أحيانًا أحيانًا، يعني هي أصلًا هو أصلًا فكرته في أنا أحيي وأميت، فكرة فيها سفسطة. يعني فكرة فيها، فيها تزويد كلام وفلسفة؛ لأنه هو في الحقيقة ما يحيي ويميت، هو الفكرة إنه أنا إنسان محكوم بالإعدام أو أحكم بالإعدام، أو أعفو عن إنسان فبالتالي كأني أحييته.

فلو دخل قال له إنه لا أنت مـ، يطوّل الموضوع في أشياء أوضح. جيّد؟ ﴿إن الله يأتي بالشمس من المشرق فأتِ بها من المغرب فبُهت الذي كفر﴾، إذا أتى بدليل لازم ترد عليه طبعًا، أيوة معارضة الدليل ليس بالضرورة بإثبات نقض الدليل نفسه، ممكن الإتيان بدليل آخر. من المدّعي هنا؟ إبراهيم ولا النمرود؟ النمرود في إبراهيم عليه السلام يب، في السياق، يعني أقصد في ذكر الآية مدّعي، بس قد يكون لا، المدّعي بس احنا في، احنا نحكم على سياق الآية أنا، أن النبي صل، أن إبراهيم عليه السلام هو جاي بدعوى وحدانية الله سبحانه وتعـ، أو يعني ثبوتية وجود الله سبحانه وتعالى ووحدانيته.

فهو المدعي. هو المدّعي؟ أمم، ولذلك ﴿ألم تر إلى الذي حاجّ إبراهيم في ربه أن آتاه الله الملك إذ قال إبراهيم ربي الذي يحيي ويميت﴾، بس قد يكون قول إبراهيم: ربي الذي يحيي ويميت، ليس فـ، ليس في مقام مناظرة، ليس في مقام صحيح. سياق الاسـ، ربي الذي يحيي ويميت صحيح. ويكون هذاك اعترض بس تعريفه بالدليل هناك، السائل والمدعي، مين هما؟ إبراهيم النمرود. النمرود النمرود؟

لا، النـ، النمرود كأنه أنا برأيي كأنه إنه هنا هو اللي صاحب الدعوى. يعني هي هي، هي اعتراض ولكنه في صورة دعوى. طبعًا أنت زي مـ، يعني زي ما قلنا في، في السياق القرآني هو ما جاء السياق القرآني يقول لك إنها صارت مناظرة بالطريقة وهذا كان، يعني القرآن عادته الاختصار والـ والإجمال.

فهو الخلاصة إنه أعطاك حجة معينة والرد عليها. بس أنت لما تجي ترتب الأدوار الآن، أنا أعتقد إنه، إنه في واحد جالس يدّعي إنه هو يحيي ويميت اللي هو النمرود، جيّد؟ وإن كان جاء ادعاؤه تعليقًا على قول إبراهيم عليه السلام: ربي الذي يحيي ويميت، فإبراهيم

عليه السلام أتى بدليل يعارض دليله، وهذا ما استطاع أنه يجيب عن هذا الدليل فأُلزم. وبالمناسبة، لو تشوفوا آخر شيء بس الصفحة الثانية اللي هو مآل المناظرة.

إي

في النص عفوًا.

اللي، اللي فعله إبراهيم عليه السلام مع، مع النمرود يسمى ايش؟ إفحام بناءً على هذا الموجود؟ إفحام ولا إلزام؟ إفحام إفحام شوف، اقرأ اقرأ، طب أكمل؟

لا، أنا، أنا أظن أنها أقرب للإلزام. لأنه الإفحام في مصطلحهم، طبعًا هذه مصطلحات لو يعني هذه نتكلم عن قضية اصطلاحية قابل عادي، أنت تقول هذا ترى أفحم ما مو مشكلة لغوية، بس نتكلم فقط عن هذا المصطلح، إنه أقرب للإلزام، لأنه الإفحام في هذا المصطلح إنه أنا أجيب دعوى، وبعدين أعجز عن أن أثبت الدليل عليها.

فهو جاب دليل في البداية، ولكنه ما قدر يثبت بالدليل، فممكن يسمى إفحام من هذا الوجه. وإلزام، وإلزام؛ لأنه جاب الآخر دليل ما استطاع يرد عليه.

صح؟ فهو إلزام مفحم. أو إفحام ملزم، كلها جاية. طيب، خلاص إحنا هذه مقدمة، هذه مقدمة أرجو إنه إحنا إن شاء الله، يعني استطعنا إنه نـ نعمل إطلالة سريعة، على نظام المناظرة التراثي، طرق النقد، طرق المعارضة، إيش توجه إلى أين بالضبط، طبعًا باقي نقطة بس أظن إنه حتى بعد الصلاة صعب إنه، لأنه نحن بدنا نبدأ في التطبيق العملي، اللي هي نقطة إنه إذا هو رد على دليلك أنت إيش تسوي.

لأنه وظائف المعلل ما أخذناها. عندهم ثلاثة وظائف، بس هم مخلين وظائف المعلل جاعلينها في الرد على اعتراض السائل. لما السائل يعترض عليك إما بالنقد، إما بالمنع أو النقد، أو المعارضة يقول لك: "أنت إيش تسوي؟" فمثلًا يقول لك: "تأتي بدليل آخر على دعواك"، عادي، هذا ما في مشكلة.

لكن إحنا خلينا الآن نكتفي بهذا. في السادس بس، آخر شيء اللي هو إفساد النتائج والمقتضيات، وين يعتبر هنا؟ إيوه. فين؟ فين هذا؟ القواعد اللي أخذناها أمس، الإلزام بإفساد النتائج والمقتضيات. أمس. ممم. فهذا وين يعتبر يعني؟ لا، إحنا قلنا قواعد النقد أعم من قواعد المناظرة. طيب، هذه خارجة؟ إي، يعني أنت ممكن هذا، ممكن هذا، تـ يعني تضعه في نقد الدليل.

مو إحنا قلنا الطريقة الثانية في نقد الدليل عند عند علماء المناظرة إثبات أنه ايش؟ ياتي في سياق آخر، أو لا؟ التزام الدليل المحال. إثبات أنه يستلزم المحال. والمحال؟

هذا ممكن من اللوازم الفاسدة يعني، فأنت ممكن تدرج اللوازم الفاسدة في هذه الخانة. اللي هي إثبات أنه دليلك لو اعترفنا به لاستلزم كذا وكذا، وتكون استلزامات صحيحة، وليس مغالطة المنحدر

الزلق، مدري المنزلق الحدر. شيخنا بس، هل نستطيع أن نقول إن إسقاط النتيجة يعني؟ ااا لا أو لا نقوم بإسقاط النتيجة إلا إذا، إذا ما كان عند عندنا جواب تفصيلي على نعم، أفضل. الشبهة اللي طرحها؟ أفضل، إيوه أفضل.

أفضل إنك ما تسقط النتيجة، مثل إنه أفضل ما تتعرض لإسقاط النتيجة إلا

إلا إذا لم يكن لديك جواب واضح على الدليل الذي أتى به. وممكن يعطي شبهة في بطلان صحة بطلان نتيجته

وإبطال الإسلام عندهم، فهل أعطي أدلة قطعية على صحة الإسلام؟ طيب هذا، عارف؟ أمس إحنا أخذنا ترى قاعدة في في هذا الموضوع، لو تذكروها، القاعدة قلنا قاعدتين احفظوها، خلوها في بالكم في كل في كل نقاش، تضبط إن القائم على أسس دعائم قوية الإيمان بالله تعالى والقرآن، أيوه، وقلنا إنه كل برهان لديك من صحة ما معتقدك، هو هو في الحقيقة ايش؟ دليلا بحد ذاته.

هو هو في حـ في حد ذاته رد، هو في حد ذاته رد، على إشكاليات لا تعرفها، فهذا ملجأ قد تلجأ إليه، في الأخير تقول له: "طيب أنت تبغى توصل لإيش؟ تبغى توصل إنه لا يوجد إله؟ أنا طبعًا عندي 1,000 دليل على وجود الله".

جيد؟ هذا في حال إنه أنت ما استطعت ترد على إشكاليته التفصيلية، فتقول له: "النتيجة ترى أنا عندي ما يعارض نتيجتك، ممكن عادي تقول له ترى، والله هذه المسألة أنا ما مرت علي سابقًا أحتاج أبحث فيها أكثر، لكن النتيجة اللي أنت تبغى توصل لها أنا عندي ما يعارضها ويناقضها قطعًا".

طيب، بعد الصلاة إن شاء الله مباشرة نبدأ في الـ مناظرة.