الآن احنا عندنا في المناظرة طريقتان. عشان نسوي مناظرة، يعني اليوم احنا راح نطبق إن شاء الله. عشان نعمل مناظرة، عندنا نظامان. النظام الأول هو النظام التراثي الموجود عندكم في المتن. ال- النظام التراثي يركز على إيش؟
طيب، النظام التراثي يركز على إيش؟
الشبهة؟ لا، احنا نتكلم عن مناظرة، ما نتكلم عن شبهات.
ها؟
سؤال وجواب، يعني يركز على ايش؟ نسميه إيش؟ مجيب وسؤال، نسميه إيش؟ يركز على الحوار؟ على الدليل والرد؟ يركز على الموضوع. ركز على الموضوع. احنا عندنا موضوع.
تمام؟ نظام المحا- المناظرة قائم على الموضوع. وليس قائما على الوقت. ما في وقت. في موضوع معين، عندنا قضية للمناظرة، أنت إيش؟ مدعي، أما معترض؟
مثبت أم نافي؟ إذا أنت مدعي مو على كيفك تقول الكلام اللي تبغاه. عندك وظائف، يسموها وظائف، وظائف محددة. تبدأ بالوظيفة الأولى، بعدين الثانية، بعدين الثالثة.
طب أنت معترض؟ عندك وظائف محددة. لو تشوفوها عندكم في المتن، مكتوب وظيفة إيش أول شيء؟ وظيفة السائل، اللي هو، معاك ورقة يا شنقيطي؟ معاك ورقة؟
وظيفة السائل إيش هي؟ أو من هو السائل؟ لا، لا، المعترض. والثاني: المعلل، اللي هو المدعي، تمام؟ في وظائف، تمام؟ ااا، طيب، إيش النظام الثاني في المناظرة؟
نظام الوقت. هو اللي سائد الآن، صح؟
تعرفوا، دائمًا، ع- عادة المناظرات تبدأ أحيانًا بربع ساعة، ربع ساعة، بعدين 10 دقائق، 10 دقائق، 5 دقائق، 5 دقائق، أو ربع، يعني تستمر حسب النظام، لكنها تركز على الوقت.
طيب، إيش، إيش ااا، إيش برأيكم أفضل؟ يعني، ااا، طبعًا، كما هو بحسب قوة نظام، نظام، يعني، اللي مرتب المناظرة، أحيانًا المرتب للمناظرة يكون عنده قدرة، وعنده معرفة، وبالتالي هو يرتب الكلام حتى. لكن السائد اليوم اللي احنا نشوفه، هو أنه: يلا يا جماعة، أنتوا إيش عندكم تبغوا تناظروا إيش؟ العلمانية والإسلام.
أصلًا أصلًا غلط المناظرة في الإسلام والعلمانية، غلط، كدا هذا موضوع مناظرة غلط. لأنه هذا مو موضوع مناظرة، هذا رسالة دكتوراه. فعلًا. موضوع المناظرة يجب أن يكون محدد.
هذا يدعي أن العلمانية هي التي مدري إيش، خلاص، الموضوع محدد. تمام، بس اللي سائد إيش؟ يعني بغض النظر عن وجه لوجه، بس إنه في برامج المناظرة،
ال- اللي سائد هو أنه أنت عندك ربع ساعة تفضل تكلم، صح؟ وهذا يتكلم، يقول كل شيء. ويلا عندك ربع ساعة ترد. طيب، أنا أرد، إيش أقول يعني؟ أرد على إيش؟ على الربع ساعة؟ طب هو خلال ربع ساعة طرح 16 قضية، أنا أرد على إيش ولا إيش؟
بعدين يجي يقول لي: "ها، أنا باقِي لي ثلاثة أشياء ذكرتها أنت ما رديت عليها"، إيوه، طبعًا ما رديت عليها.

